Sosial şəbəkələrdə Rusiya prezidentinin İşləri üzrə İdarəsinin (Pİİ) sürücülərindən birinin BMW markalı xidməti avtomobillə qəzaya uğraması barədə xəbərlər və fotoşəkillər yayılıb.
İdarə faktı təsdiq edərək sürücünün ailəsinə və yaxınlarına başsağlığı verib.
İlkin məlumatlara görə, Kremlin xidməti avtomobili qarşıdan gələn "Mercedes" markalı avtomobillə toqquşub.
Qəzada BMW-nin sürücüsü ölüb, "Mersedes"in sürücüsü ağır yaralanıb. Hadisə Moskvada, Kutuzov prospektində baş verib.
Ölən sürücünün Kremldə 40 il iş stajının olduğu, uzun illər ən vacib dövlət xadimlərinə xidmət göstərdiyi bildirilir. Sürücü sonuncu dəfə Rusiya vitse-spikeri Yuri Vorobyevə xidmət göstərib. (azvision.az)
