Azərbaycanın metal konstruksiya istehsalçılarından biri olan “VVorld Metal İndustry” Məhdud Məsuliyyətli Cəmiyyəti cərimələnib.
Qaynarinfo-nun məlumatına görə, şirkət barəsində İnzibati Xətalar Məcəlləsinin (İXM) 464-cü maddəsi - “Məcburi auditdən yayınma” ilə bağlı protokol tərtib edilib və işə məhkəmədə baxılıb.
Məlum olub ki, “VVorld Metal İndustry” MMC 2024-cü il üzrə maliyyə hesabatlarının 2025-ci ildə həyata keçirilməli olan məcburi auditindən yayınıb.
Məhkəmənin qərarı ilə “VVorld Metal İndustry” MMC İXM-in 464-cü maddəsində nəzərdə tutulmuş inzibati xətanı törətməkdə təqsirli bilinib və barəsində 1 500 manat məbləğində inzibati cərimə tətbiq edilib.
Aydın
