Ötən gün cəbhə xəttində baş verən atışma zamanı yaralanan erməni əsgərlər paytaxt İrəvana aparılır.
Azvision.az-ın erməni KİV-nə istinadən verdiyi məlumata görə, bu barədə Ermənistan Müdafiə Nazirliyi Mərkəzi Klinik Hospitalının rəisi Aram Asaturyan bildirib.
“Onların vəziyyəti stabil ağırdır. Bir hərbçi qarın nahiyəsindən yaralanıb, digərinin isə əli amputasiya olunub”, - deyə hospitalın rəisi bildirib.
Xatırladaq ki, Azərbaycan Müdafiə Nazirliyinin verdiyi məlumata görə, martın 19-da cəbhədə baş vermiş döyüş nəticəsində müdafiənin ön xəttində yerləşən əsgər və zabitlərimiz düşmənə ağır zərbə vuraraq 20-dək hərbi qulluqçusunu məhv edib və yaralayıb.
Qaynar.info
