Oda Teatrı yeni hazırladığı "Səncə döyəcəklər?" tamaşasının ilk 2 nümayişini keçirdi.
Nümayiş tamaşaçılar tərəfindən yüksək qarşılandı. Və teatr qərara aldı ki, bu tamaşanın təkrar nümayişini 5 və 6 oktyabr, saat 19:00-da Odanın daimi məkanı olan Zirzəmi-də yenidən nümayiş etdirsin.
Məlumat üçün bildirək ki, Oda Teatrı Rumın dramaturqu Matey Vişnekin “Səncə, döyəcəklər?” əsərini səhnələşdirib. “Səncə, döyəcəklər?” eyniadlı tamaşası Azərbaycanda ilk dəfə nümayiş olunub. Oda Teatrı hər kəsi oktyabrın 5-i və 6-sı saat 19:00-da adıçəkilən tamaşaya baxmağa dəvət edir. Tamaşada Azərbaycan teatrlarında indiyədək görmədiyiniz quruluşla tanış olacaqsınız. Bu tamaşada ötən tamaşadan da fərqli olaraq bir çox yeniliklər və fərqliliyin şahidi ola bilərsiniz. Oda üzvləri “Səncə, döyəcəklər?” tamaşası ilə teatr standartlarını qıracaqlarını bildirirlər.
Onu da qeyd edək ki, “Səncə döyəcəklər?” tamaşasına quruluşu əməkdar artist İlqar Cahangir verib. Eyni zamanda tanınmış aktyor özü də bu tamaşada rol alıb.
Rollarda İlqar Cahangir, Elmin Bədəlov, Həsənağa Məmmədov, Nihad Qulamzadə, Aynur Zərrintac, Qurban Məmmədli, Niyazəli Məmmədzadə və başqaları iştirak edəcək. Onu da bildirək ki, Oda Teatrı bu tamaşadan əvvəl Qoqolun “Evlənmə” pyesini müasirləşdirərək səhnələşdirmişdi. Tamaşa beş dəfə nümayiş olunmaqla min nəfərə yaxın insana göstərilmişdir.
Yerlər məhdud olduğu üçün tamaşaya giriş biletlə olacaq. Biletlərin qiyməti 3 manat təyin olunub.
Teatrın yeri: Tarqovu, İSR Plaza-nın arxası - Topçubaşov küçəsi 36-da yerləşən ZİRZƏMİ məkanıdır. Ünvanı tapmaq və biletləri əldə etmək üçün aşağıdakı nömrələrlə əlaqə saxlaya bilərsiniz:
Tel: 050 394 48 64
070 219 83 33
Müəllif haqda qısa məlumat: Matey Vişnek (1956) – Rumın dramaturqu, şair və nasiridir. Fransız və rumın dillərində yazır. Bir çox mükafatların, o cümlədən Avinyon teatr festivalı prizinin (1996, 2008) laureatıdır. "Səncə, döyəcəklər?" qısa pyesinin müəllifidir. Pyesi Azərbaycan dilinə tanınmış yazar Zamin Hacı tərcümə edib.
Qaynar.info
