Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
100 il əvvəl yoxa çıxan sualtı qayıq ABŞ sahillərində tapıldı
ABŞ-ın San-Dieqo şəhəri yaxınlığındakı dəniz dibində bir əsrdən çox əvvəl yoxa çıxmış hərbi sualtı qayıq və təlim təyyarəsinin qalıqları tapılıb. Tapıntılar həm hərbi tarix, həm də dərin dəniz tədqiqatları baxımından böyük əhəmiyyət daşıyır.
Qaynarinfo xəbər verir ki, "Live Science" nəşrinin məlumatına görə, sualtı gəmi - ABŞ Hərbi Dəniz Qüvvələrinə (HDQ) məxsus USS F-1 - 1917-ci ildə keçirilən təlim zamanı baş verən toqquşma nəticəsində bir neçə saniyə ərzində batıb. Gəminin göyərtəsində olan 22 nəfərdən yalnız 3-ü sağ qalıb. Qalan 19 ekipaj üzvü həlak olub.
Tapıntılar bu ilin əvvəlində Vuds Hole Okeanoqrafiya İnstitutu (WHOI) və ABŞ Hərbi Dəniz Qüvvələri tərəfindən təşkil olunmuş ekspedisiya zamanı aşkar edilib. Dəniz dibi insanların dalış dərinliyindən çox aşağıda olduğundan, tədqiqat Alvin adlı idarə olunan insanlı sualtı aparat və "Sentry" adlı avtonom sualtı cihaz vasitəsilə həyata keçirilib.
WHOI mütəxəssisi Brüs Strikrott bildirib ki, USS F-1-in yeri ABŞ HDQ-nin tarixi qeydləri əsasında müəyyən olunub. İlk axtarış günündə "AUV Sentry" gəminin yerini aşkarlayıb. Daha sonra "Alvin" aparatı vasitəsilə gəmi yerində vizual müşahidələr aparılıb.
Tədqiqatlar nəticəsində məlum olub ki, sualtı qayıq 100 ildən çox suda qalmasına baxmayaraq heyrətamiz dərəcədə bütöv və salamat vəziyyətdədir. Qayıq indi 1917-ci ildə həlak olmuş 19 ekipaj üzvü üçün hərbi dəfn yeri hesab olunur. WHOI və HDQ bu səbəbdən gəmi ilə fiziki təmasdan çəkinmək barədə razılığa gəliblər.
Həmin ərazidə 1950-ci ildə qəzaya uğramış "Grumman TBF Avenger" təlim təyyarəsinin də qalıqları tapılıb. Bu təyyarənin mövcudluğu WHOI tədqiqatçılarına əvvəlcədən məlum olsa da, ABŞ HDQ üçün bu məlumat yenidir. Tapıntı nəticəsində təyyarənin rəsmi identifikasiyası aparılıb və bütün ekipaj üzvlərinin qəza zamanı sağ qaldığı təsdiqlənib.
Strikrott həmçinin təyyarənin mühərrikində yerləşən "13" nömrəsinin diqqətini çəkdiyini deyib. Sonradan məlum olub ki, bu rəqəm təyyarənin aid olduğu təlim eskadrilyasını göstərir və bəzi hallarda "uğursuzluq"la assosiasiya edilən simvolik məna da daşıyırmış.
Bu mühüm tapıntılar həm hərbi tarix, həm də okean tədqiqatları sahəsində yeni biliklər qazandırmaqla yanaşı, itkin düşmüş ekipaj üzvlərinə hörmətin bir ifadəsi olaraq dəyərləndirilir.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər