Böyük Britaniya sakini Nora Brayer 100-cü doğum günündə planerdə uçuş hədiyyəsi qazanıb.
Oxu.Az “Metro” dərgisinə istinadən xəbər verir ki, 100 yaşlı nənə öz yubileyini planerdə iki uçuşla qeyd edib: birinci uçuşda o, özü sükan arxasında əyləşib, ikincidə isə peşəkar pilotun 3,5 km hündürlükdə ölüm ilgəyi fiqurunu necə yerinə yetirdiyini izləyib.
Noranın sözlərinə görə, o, uçuş vaxtı heç də qorxmayıb:
“Mən özümü adrenalin narkomanı adlandırardım. Mən həmişə doğum gününü gözləyirəm ki, nəsə qeyri-adi bir şey edə bilim”, - deyə, 100 yaşlı Nora nənə deyir.
