Qaynarinfo xəbər verir ki, 2001-ci ildə ABŞ-ın Nyu York şəhərində Dünya Ticarət Mərkəzinin Ekiz Qüllələrinə və Pentagona edilmiş hücum 2997 nəfərin ölümünə, 6 min nəfərin yaralanmasına səbəb olmuşdu. 19 Əl Qaidə terrorçusu tərəfindən ələ keçirilən 4 sərnişin təyyarəsindən 3-ü binalara çırpılmış, 4-cüsü isə Pensilvaniyada qəzaya uğramışdı. Hücum ABŞ-a 10 milyard dollar zərərə başa gəlmişdi.
Hadisədən sonra hücum barədə bir çox iddialar irəli sürüldü. Hücum vaxtı məktəb ziyarətində olan Corc Buşun hadisəyə soyuqqanlı reaksiyası o dövrdə ABŞ-ın hücum barədə xəbərdar olduğu, hətta təşkilində iştirak etməsi barədə fikirlərin yaranması ilə nəticələndi. Ən böyük iddialardan biri ABŞ-ın Əl Qaidəni hədəf göstərərək Əfqanıstanda müharibəyə başlamaq üçün bu terroru təşkil etməsidir.
