Ukrayna çempionatının birinci liqasında çıxış edən "Prikarpattya” futbol klubunun 14 futbolçusu və komandanın məşqçiləri Ukrayna xalqına sədaqət andı içərək, Silahlı Qüvvələrə qoşulublar.
Qaynarinfo xəbər verir ki, bu barədə "Football News" məlumat yayıb.
Yarımmüdafiəçi Vasili Tsyutsyura komandanın qərarını belə şərh edib:
"Təkcə xidmət etmək yox, qarışmamaq qorxusu var idi. Çünki burada olanlar öz sahələrində peşəkardırlar. Nə etməli olduqlarını yaxşı bilirlər. Bu, regiondan olan futbolçunu peşəkar komandaya götürmək kimi bir şeydir. Amma hərbi komissar bizə başa salanda ki, bizi yavaş-yavaş öyrədəcəklər, əsas şeyləri verəcəklər, silah saxlamağı, döyüşməyi və Ukraynanı necə müdafiə etməyi göstərəcəklər, biz Ukrayna Silahlı Qüvvələrinə qoşulmaq qərarına gəldik. Biz artıq maşınla tanış olmuşuq: onlar bizə sökməyi, təmizləməyi və vurmağı öyrətdilər. Hər şey tədricən olur. Yavaş-yavaş xidmət edirik”.
Aydın
