ABŞ-ın Nyu-York ştatında 2 yüngül mühərrikli təyyarə toqquşub.
Qaynarinfo.Az-ın məlumatına görə, bu barədə TASS agentliyi Eri dairəsinin şefinə istinadən xəbər yayıb.
Məlumatda bildirilir ki, hadisə yerli vaxtla saat 09:45-də, Nort-Kollins yaşayış məntəqəsinin səmasında baş verib. "Cessna 140" və "Payper Şeroki" təyyarələrinin havada üz-üzə gələrək toqquşması nəticəsində pilotların 3-ü də həlak olub.
Pilotların 15 ildir, müntəzəm uçuşda olduğu bildirilir. Hamburq aerodromunun rəis müavini Larri Uolş qəzanın səma üzrə "boş sahə"də diqqətsizlik üzündən baş verdiyini deyib.
Qaynarinfo.Az
