Məşhur türkiyəli aktyor Ercan Yazqan 72 yaşında dünyasını dəyişib.
Qaynarinfo Türkiyə mediasına istinadən xəbər verir ki, 3 mart tarixində tənəffüs çatışmazlığı ilə reanimasiyaya yerləşdirilən aktyor böyrək, qaraciyər və digər vacib orqanlarında olan problemlər səbəbilə dünyasını dəyişib. Aktyorun dünən 23.05-də ürəyi dayanıb və müdaxilələrə baxmayaraq həyatını xilas etmək mümkün olmayıb.
4 aprel 1946-cı ildə doğulan Ercan Yazqan 1986-cı ildə "Perihan abla" serialında "Sürücü İsmət" obrazı ilə tanınıb və 1989-2002-ci illərdə yayımlanan "Bizimkilər" serialında "Qapıçı Cəfər" obrazı ilə yaddaşlarda iz qoyub. Yazqan yaradıcılığı ərzində bir çox serial və filmdə iştirak edib.
Gülşən
