Apple-1 təxmin ediləndən aşağı qiymətə satılıb
Apple-1 kompüteri hərracda 400 min dollara satılıb. 1976-cı ildə Stiv Wozniak və Stiv Cobs tərəfindən istehsal olunan Apple-1 kompüteri Christie hərracında 387.800 dollara satılıb.
1976-cı ildə bazara çıxarılan qurğunun pərakəndə qiyməti 666,7 dollar olub. Kompüter 96 ölkənin sakinlərinin iştirakı ilə online hərrac vasitəsilə satılıb.
500 min dollara satılacağı proqnozlaşdırılan Apple-1 təxmin ediləndən aşağı qiymətə satılıb. Bundan öncə hərraca çixarılan digər iki Apple kompyuteri 600 min dollardan yüksək qiymətə satılıb.
May ayında hərraca çıxarılan 1976-ci il istehsallı digər bir kompyuter isə 671,4 min dollarlıq satış qiyməti ilə rekord vurub. Bu hərrac Köln şəhərində keçirilib.
