Müharibələrin Tədqiqi İnstitutunun amerikalı analitikləri hesab edirlər ki, Ukrayna Silahlı Qüvvələrinin Dnepr çayının sol sahilində Xerson vilayətinə hücumu əvvəllər baş vermiş reydlərdən daha böyükdür.
Qaynarinfo ISW-nin hesabatına
istinadla xəbər verir ki, geolokasiya görüntüləri Ukrayna hərbçilərinin Dnepr sahili boyunca və Antonovski körpüsü yaxınlığında olduğunu göstərir.
Rusiya təbliğatçılarının məlumatına görə, cümə axşamı, oktyabrın 19-da Ukrayna dəniz piyadaları briqadasının iki təxribat-kəşfiyyat qrupu Dneprdən keçərək, ərazidəki işğalçı qüvvələri darmadağın edib və Krınki kəndindəki körpübaşını ələ keçirib.
Rusiya piyadaları əks-hücuma keçərək Ukrayna Silahlı Qüvvələrini kəndin kənarına sıxışdırsalar da, Müdafiə Qüvvələri hələ də Krınkidəki bəzi evlərə nəzarət edir və əlavə qüvvələr gözləyir.
Başqa bir rusiyalı bloger iddia edir ki, Ukrayna əsgərləri Krınkiyə hücumlarda əvvəlkindən daha çox canlı qüvvədən istifadə edib. Bəzi rus mənbələri, o cümlədən Xerson vilayətinin işğal administrasiyasının rəhbəri Vladimir Saldo qeyd edir ki, rus qoşunları Ukrayna qüvvələrini Poyma-Pesçanovka-Pidstepnoe bölgəsindən Dnepr sahilləri boyunca və Antonovski dəmir yolu körpüsündəki mövqelərə sıxışdırıblar. Əlavə edilir ki, Ukrayna Silahlı Qüvvələri işğalçıların davamlı hava hücumları və atəşi altında dincəlməyə və yenidən qruplaşmağa çalışır.
Alpər
