Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
ABŞ-da 1,5 trilyon dollardan çox dəyəri olan litium yatağı tapıldı
ABŞ-ın Oreqon ştatında ölkə tarixində ən böyük lityum yataqlarından birinin tapıldığı ehtimal olunur. Geoloqlar bu yatağın ümumi dəyərini 1,5 trilyon dollar səviyyəsində qiymətləndirirlər.
Qaynarinfo xəbər verir ki, "Earth" nəşrinin yazdığına görə, Makdermit kalderası adlanan ərazidə 20–40 milyon metrik ton həcmində lityum ehtiyatı mövcuddur.
Məlumata əsasən, daha ekoloji nəqliyyat vasitələrinə keçid və bərpa olunan enerji mənbələrindən əldə edilən enerjinin saxlanması lityuma olan tələbatın kəskin artmasına səbəb olub. Bu metalın yüngül çəkisi və yüksək elektrokimyəvi xüsusiyyətləri onu müasir batareyaların istehsalında əsas komponentə çevirir.
Geoloqlar bildirirlər ki, keçmişdə baş vermiş vulkan püskürmələri nəticəsində bu kaldera formalaşıb və böyük çökəklik ərazisində minerallarla zəngin gil qatları qalıb. Aparılan tədqiqatlardan biri həmin qatlarda lityumun yüksək konsentrasiyada olduğunu aşkar edib.
Analitiklərin fikrincə, əgər hasilat üsulları səmərəli olarsa, ABŞ bu metalın aparıcı qlobal təchizatçıları sırasına daxil ola bilər.
Ekspertlər qeyd edirlər ki, kalderada yerləşən bu yataq batareya təchizatı sahəsində ABŞ-a mühüm rəqabət üstünlüyü verə bilər. Bununla belə, bəzi qeyri-hökumət təşkilatları hesab edir ki, qısamüddətli iqtisadi mənfəət Oreqonun yüksək dağlıq səhrasının ekoloji və tarixi dəyərini kölgədə qoymamalıdır.
Mədən şirkətləri isə federal standartlara əməl etməyi və yerli icmaların mövqeyini nəzərə almağı planlaşdırdıqlarını bildirirlər. Buna baxmayaraq, bu vədlərin nə dərəcədə səmimi olması ilə bağlı mübahisələr davam edir.
"Sierra Club Oregon" təşkilatı hesab edir ki, lityuma alternativ materiallar hazırlamaq və ya bu metalın daha səmərəli çıxarılması yollarını tapmaq mümkündür. Layihəni dəstəkləyənlər isə bildirirlər ki, iri avtomobil istehsalçılarının elektrik avtomobillərinə keçdiyi bir dövrdə bu gil yataqları strateji əhəmiyyət daşıyan resursdur.
Lityum qiymətləri: son məlumatlar
29 oktyabr 2025-ci ildə Çində lityum qiymətləri batareya bazarına olan güclü tələbat fonunda artıb.
"BloombergNEF"in məlumatına görə, dünyada enerji saxlama sistemlərinin yeni gücləri 2035-ci ilə qədər hər il rekord səviyyədə quraşdırılacaq. Bu isə Çin və ABŞ-ın bu bazarın ən böyük oyunçuları kimi mövqeyini daha da gücləndirəcək.
"Adamas Intelligence" konsaltinq şirkətinin analitiki Kris Vilyamsın sözlərinə görə, 2026-cı ildə elektrik avtomobilləri üçün batareyalara tələbat 20%, enerji saxlama sistemlərinə (ESS) tələbat isə 50% artacaq.
Aydın
Oxşar xəbərlər
"Oskar" mükafatının qalibləri elan olundu
Dünya
16.03.2026
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər