Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
ABŞ-da təyyarə qəzası: çaydan 67 nəfərin cəsədi çıxarıldı - Detallar
Potomak çayından American Airlines sərnişin təyyarəsi və hərbi vertolyotun toqquşması nəticəsində həlak olan 67 nəfərin cəsədi çıxarılıb.
Qaynarinfo bu barədə NBC News-a istinadla xəbər verir.
Ötən çərşənbə günü baş verən qəzanın axtarış-xilasetmə işləri yekunlaşıb. Vaşinqton rəsmilərinin 4 fevral tarixində yaydığı açıqlamaya görə, 66 nəfər identifikasiya olunub, sonuncu qurbanın kimliyi isə hələ də müəyyən edilməyib.
Rəsmilər Potomak çayını qəza nəticəsində yaranan qalıqlardan təmizləməyə başlayacaq.
ABŞ Nəqliyyat Təhlükəsizliyi Milli Şurası (NTSB) hadisənin səbəblərini araşdırır. 29 yanvar axşamı Wichita (Kanzas ştatı) şəhərindən havaya qalxan American Airlines 5342 saylı reysi Arlinqtonda yerləşən Reyqan Milli Aeroportunun yaxınlığında Black Hawk tipli hərbi vertolyotla toqquşub.
NTSB məlumatına görə, hava nəqliyyatı idarəetmə dispetçerlərinin qeydləri Black Hawk vertolyotunun 200 fut (təxminən 60 metr) hündürlüyü aşdığını və bu hündürlüyün Federal Aviasiya Administrasiyasının (FAA) qaydalarına uyğun olmadığını göstərir. Vertolyotun dəqiq uçuş məlumatlarının təsdiqlənməsi üçün əlavə araşdırmalar aparılmalıdır. FlightAware uçuş izləmə veb saytının məlumatına görə, sərnişin təyyarəsi son dəfə 375 fut (təxminən 114 metr) hündürlükdə qeydə alınıb.
Ötən həftə NTSB sərnişin təyyarəsinin uçuş qeydiyyat cihazlarını – qara qutularını çıxarıb. Qutular laboratoriyada analiz edilir. Bütün məlumatlar, o cümlədən vertolyotun qara qutularındakı məlumatlar da bərpa olunacaq.
Qəza gecəsi hava şəraiti açıq olub, buna görə də hadisənin hava şəraitindən qaynaqlandığı ehtimal edilmir.
NBC News-un FAA-nın ilkin daxili hesabatına əsaslanan mənbəsinə görə, qəza gecəsi dispetçer qülləsində cəmi bir nəfər olub və o, həm təyyarə, həm də vertolyotların idarə olunmasına cavabdeh olub. Adətən, FAA təhlükəsizlik standartlarına görə, vertolyot uçuşları üçün ayrıca bir dispetçer ayrılır, lakin bəzən bu vəzifələr birləşdirilə bilər.
American Airlines reysində 64 sərnişin olub. Onların arasında fiqurlu konkisürmə yarışlarından qayıdan gənc idmançılar, həmçinin hərbi vertolyotda üç əsgər olub.
ABŞ Fiqurlu Konkisürmə Federasiyasının bəyanatına əsasən, təyyarədə 28 nəfər konkisürmə idmanı ilə bağlı olub, o cümlədən məşqçilər, idmançılar və onların ailə üzvləri.
Alpər
Oxşar xəbərlər
"Yaxın Şərq yenidən qarışacaq" - Ekspert
Dünya
05.02.2025
Bu xəstəxana 20 min cərimələndi
Ölkə
05.02.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər