ABŞ hərbi təyyarəsi qəzaya uğradı: Bortda nüvə materialı olub?

Qaynarinfo bu barədə "Foxnews" agentiliyinə istinadən xəbər verir.

Məlumata görə, dünən (8 iyun) günorta zamanı yerli vaxtla saat 11:30 da Osprey kimi tanınan iki pərli hərbi təyyarə Kaliforniyanın Meksika ilə sərhədindən 30 kilometr aralıda qəzaya uğrayıb.

Qəzanın səbəbi hələ müəyyən edilməyib. 5 ekipaj üzvündən dördünün həyatını itirdiyi, birinin isə itkin düşdüyü açıqlanıb.

Qəzanın baş verdiyini Dəniz Piyadaları Hərbi Hava Bazası təsdiqləyib. Açıqlamada, təyyarədə nüvə materialının daşındığına dair iddiaların həqiqəti əks etdirmədiyi bildirilib.