Dünya 12:01 30.06.2022

ABŞ kəşfiyyatı: Putin Ukraynanı tam işğal etmək istəyir

Rusiya prezidenti Vladimir Putin hələ də Ukraynanın əksər hissəsini ələ keçirmək istəyir.
 
Qaynarinfo "Reuters” xəbər agentliyinə istinadla xəbər verir ki, bu barədə ABŞ kəşfiyyatının yüksək rütbəli zabiti bildirib.
 
Milli Kəşfiyyatın direktoru Avril Haynes ABŞ Kəşfiyyat Xidmətinin dörd aydan çox davam edən müharibə ilə bağlı hazırkı qiymətləndirməsini açıqlayıb. "Bir sözlə, vəziyyət olduqca acınacaqlı olaraq qalır və Rusiyanın Qərbə münasibəti sərtləşir", - Haynes Ticarət Departamentinin konfransında deyib.

Ukrayna prezidenti Volodimir Zelenski bu həftə ABŞ prezidenti Co Bayden və digər "Böyük 7-lər”in  liderlərinə müharibənin ilin sonuna qədər bitməsini istədiyini bildirib. Lakin Haynsın şərhləri onu deməyə əsas verir ki, ABŞ və digər ölkələr tərəfindən Zelenskinin qüvvələrinə tədarük edilən milyardlarla dollarlıq silahlar yetərli olmaya bilər. "Biz düşünürük ki, Putin əslində bizə əvvəldən məlum olan siyasi məqsədlərə malikdir, yəni o, Ukraynanın böyük hissəsini tutmaq istəyir”, - Haynes deyib.

Haynes həmçinin vurğulayıb ki, Putinin məqsədinə tezliklə nail ola bilməyəcək:"Biz Putinin bu sahədəki yaxınmüddətli hərbi məqsədləri ilə ordusunun potensialı, ambisiyaları ilə ordunun əldə edə bildikləri arasında bir növ uyğunsuzluq görürük”.

Onun sözlərinə görə, hazırda Putinin prioriteti Donbas regionunda uğur qazanmaq və Ukrayna qüvvələrini məğlub etməkdir. Digər ssenarilər arasında Rusiyanın böyük irəliləyişi Xerson şəhəri və Ukraynanın cənubunun digər əraziləri yaxınlığında kiçik nailiyyətlər əldə etməkdir. 

Nurlan Hüseynov