Nümayəndələr Palatasının spikeri, respublikaçı Mayk Conson və əsas komitələrin rəhbərləri Ukrayna üçün yeni yardım paketinin yaradılması üzərində işləyirlər.
Qaynarinfo "NBC News"a
istinadla xəbər verir ki, siyasətçilərin fikrincə, alternativ layihə Ukraynanın gələcək maliyyələşdirilməsinə qarşı çıxan mühafizəkarları özlərindən uzaqlaşdırmadan Konqresdən keçəcək.
Hazırda layihə inkişaf ilkin mərhələdədir və tam həyata keçirilməkdən uzaqdır. Bununla belə, Ukraynanın sadiq müttəfiqləri olan respublikaçılar Konqres büdcə qanunlarını təsdiq edən kimi sənədi qəbul etməyə hazır olmaq istəyirlər.
Mənbələrdən ikisi bildirib ki, Konqresdə martın sonunda planlaşdırılan iki həftəlik fasilə səbəbindən səsvermə aprel ayına təxirə salınacaq.
Qeyd edildiyi kimi, respublikaçılar qeyri-hərbi yardımın bir hissəsinin kredit şəklində ayrılmasını təklif edirlər. Lakin bu plana əsasən, Ukrayna hökumətinə iqtisadi yardım və onun ölkənin bərpası istiqamətində uzunmüddətli səylərinə dəstək də kreditdən asılı olacaq. ABŞ-ın müsadirə etdiyi Rusiya aktivlərinin girov kimi istifadə edilməsi təklif edilir.
Alpər
