ABŞ Rusiya rəsmiləri ilə birbaşa təmasda olaraq, nüvə risklərinin azaldılması və silahlara nəzarət sahəsində yeni sazişlərin hazırlanması üzrə Moskva ilə dialoqu bərpa etməyə hazır olduğunu bildirib.
Qaynarinfo xəbər verir ki, bu barədə "Kommersant"a ABŞ-ın Moskvadakı səfirliyindən məlumat
verilib.
Diplomatik missiya qeyd edib ki, Vaşinqton indi Moskvanı 2026-cı ildən sonrakı dövr üçün, yəni Strateji Hücum Silahları üzrə Müqavilənin (START, START III) müddəti başa çatdıqdan sonra nüvə risklərinin idarə edilməsinə və silahlara nəzarət çərçivəsinin hazırlanmasına cəlb etməyə hazırdır.
ABŞ səfirliyi bu müzakirələrə girməyə hazır olduqlarını bildirsə də, Rusiya tərəfi təklifə cavab verməyib və diplomatik missiya müsbət reaksiyaya ümid edir.
Bundan əvvəl Rusiya nümayəndə heyətinin rəhbərinin müavini Konstantin Vorontsov BMT Baş Assambleyasının Birinci Komitəsinin iclasında bildirib ki, Rusiya Strateji Hücum Silahlarının Azaldılması haqqında Müqavilədə nəzərdə tutulan kəmiyyət məhdudiyyətlərinə əməl etməkdə davam edir.
Aydın
