Dağlıq Qarabağ münaqişəsi dövründə insanların faciəvi ölümü ondan xəbər verir ki, münaqişənin hərbi həlli yolverilməzdir.
Trend-in məlumatına görə, bunu ABŞ Dövlət Departamentinin rəsmi nümayəndəsi vəzifəsini icra edən Patrik Ventrel Vaşinqtonda keçirilən brifinqdə deyib: "Münaqişənin yalnız uzunmüddətli və sülh həlli yolu regionda sabitlik, çiçəklənmə və sülh gətirə bilər".
Onun sözlərinə görə, ABŞ ATƏT-in Minsk Qrupunun həmsədr ölkəsidir və sülhün əldə edilməsi üçün münaqişənin hər iki tərəfilə işləməyə hələ də qətiyyətlə sadiqdir.
Qaynar.info
