Çərşənbə günü axşam saatlarında ABŞ Senatı yekdilliklə İkinci Dünya müharibəsi proqramının yenidən başlaması üçün prezident Co Baydenə Rusiyanın işğalı fonunda Ukraynaya silah və digər ləvazimatları daha effektiv şəkildə göndərməyə imkan verəcək böyük qanun layihəsini qəbul edib.
Bu barədə Qaynarinfo "Politico" nəşrinə
istinadən məlumat verir.
Ukrayna hərbçiləri fevralın sonundan Ukrayna şəhərlərini atəşə tutan rus ordusunun qarşısını ala biləcəklərini sübut etdiyi üçün senatorlar lizinq kimi tanınan təklifi dəstəkləməyə can atıblar.
Qeyd edək ki, İkinci dünya müharibəsi zamanı yaradılmış kredit-icarə proqramı müharibənin gedişində dönüş nöqtəsi hesab olunur. Məhz bu qanun ABŞ-a vaxt aparan prosedur maneələri olmadan tez bir zamanda müttəfiqlərini təchiz etməyə imkan verirdi.
Qanunvericilər sonuncu dəfə 20-ci əsrin ən böyük qlobal münaqişəsi zamanı istifadə edilən qeyri-adi taktikalara əl atırlar ki, bu da ABŞ və onun Avropadakı müttəfiqlərinin Rusiyanın işğalını liberal nizam üçün ekzistensial təhlükə kimi gördüklərinin başqa bir əlamətidir.
2022-ci ildə Ukraynanın Demokratiyasının Müdafiəsi üzrə İcarəyə Vermə Qanunu kimi tanınan sənəd bürokratik əngəlləri azaltmaqla mühüm hərbi texnikanın və digər mühüm ləvazimatların Ukraynaya göndərilməsini sürətləndirəcək. Qanun, göndərilən avadanlığın de-fakto bağışlanmasına imkan verir.
Bu, həm də onu göstərir ki, Qərb dünyası Ukraynanın rus işğalçılarına qarşı mübarizədə qalib gələ biləcəyinə inanır. Konqres bu yaxınlarda Ukraynaya 14 milyard dollarlıq hərbi və humanitar yardım paketini təsdiqləyib, onun bir hissəsi artıq istifadə olunub. Çərşənbə axşamı Dövlət Departamenti "Javelin” raketləri və digər avadanlıqlar üçün əlavə 100 milyon dollar maliyyə ayrıldığını elan edib. Rusiyanın 24 fevral işğalından sonra ümumi təhlükəsizlik yardımının məbləği 1,7 milyard dollara çatdırıb.
QISA ARAYIŞ: 11 mart 1941-ci il tarixdə ABŞ prezidenti Franklin Delano Ruzvelt Konqres tərəfindən qəbul edilmiş "Birləşmiş Ştatların müdafiəsinin təmin olunması haqqında” Qanununu (Land Lease Act) imzaladı. Bu qanun prezidentə "müdafiəsini ABŞ üçün əhəmiyyətli” saydığı istənilən ölkəyə yardım etmək hüququ verirdi. Yardıma hərbi texnika, silah və sursat, ərzaq, strateji xammal, tibbi ləvazimatlar və dərmanlar daxil idi. Artıq martın 27-də lend-liz proqramı üçün 7 milyard dollar həcmində ilk vəsait ayrıldı. Lend-lizin aid edildiyi ilk ölkələr Böyük Britaniya və Çin oldu. 1941-ci il oktyabrın 1-də Moskvada SSRİ, ABŞ və Böyük Britaniya arasında imzalanan müqavilə ilə lend-liz şərtləri SSRİ-yə də şamil edilirdi.
Hazırladı: Nizami Bağırov
HƏMÇİNİN OXU:
