Bu barədə ABŞ Dövlət Departamentinin sözçüsü Mari Xarf məlumat verib
Əfqanıstandakı ABŞ konsulluğa edilən hücum nəticəsində ölənlərin sayı 4-ə çatıb. ANS PRESS-in Rusiya mətbuatına istinadən məlumatına görə, bu barədə ABŞ Dövlət Departamentinin sözçüsü Mari Xarf məlumat verib.
İranla sərhəddə yerləşən Herat şəhərindəki konsulluğa edilən hücumda ölənlərin sayının artacağı istisna deyil. 4 nəfərin öldüyü, 18 nəfərin yaralandığı terror hücumunda konsulluğun heç bir əməkdaşı xəsarət almasa da, təhlükəsizlik tədbiri kimi, ABŞ diplomatları paytaxt Kabilə köçürülüb. Konsulluğun fəaliyyəti qeyri-müəyyən vaxta qədər dayandırılıb. Hücuma görə, məsüliyyəti “Taliban” qruplaşması üzərinə götürüb.
