Aİ-dən Rusiyaya qarşı daha sarsıdıcı sanksiya paketi gəlir - Başda Alfa-Bank...

Qaynarinfo xəbər verir ki, bu barədə "Politico” mənbələrə istinadən məlumat yayıb.

Bundan əlavə, yeni sanksiyalar paketinə Rusiya vətəndaşlarının Aİ-də elektrik şəbəkələri və ya qaz tədarükçüləri kimi mühüm infrastruktur şirkətlərində işləməsinə qadağa da daxildir.

Polşa, Almaniya, Fransa, Baltikyanı ölkələr və başqaları tərəfindən 130-a yaxın şəxs və təşkilatın yeni siyahıları təqdim edilib.

Onların arasında Rusiya hərbi rəhbərləri, Ukraynanın işğal olunmuş ərazilərində Rusiya tərəfindən təyin edilmiş "rəsmilər”, Rusiya dövlət mediası və təbliğatında çalışan jurnalistlər, Rusiyanın hərbi əməliyyatları və ya "Vaqner” özəl hərbi şirkətlə əlaqəli digər ölkələrin şirkətləri və şəxsləri olacaq. Məhz, Mali və İrandan olan şirkətlər Rusiya ordusuna pilotsuz uçuş aparatları və komponentlər satmaqda ittiham olunur.

Həmçinin, yeni sanksiyalar paketi Rusiya rezininin, asfaltının və ya bitumunun Aİ-yə idxalına və Aİ mallarının, o cümlədən yük maşınları, digər ağır nəqliyyat vasitələri, tikinti maşınlarının Rusiyaya ixracına əlavə ticarət qadağalarını ehtiva edəcək.

Paket həmçinin Rusiyanın silah istehsalında istifadə edə biləcəyi elektron komponentlərə əlavə ixrac qadağalarını da əhatə edir.

Həmçinin Brüsseldə Rusiyaya neft ixracı ilə bağlı sanksiyalardan yayınmaqda kömək etməkdə şübhəli bilinən Dubay gəmiçilik şirkətini də sanksiyalar siyahısına daxil etməyi planlaşdırırlar.