Aİ Körfəz Əməkdaşlıq Şurası ilə strateji tərəfdaşlığı təsdiqlədi

Qaynarınfo bu barədə "Indipendent"in fars bölməsinə istinadən xəbər verir.

Aİ-nin Xarici Əlaqələr Şurası bazar ertəsi Lüksemburqda toplaşıb və bəyanatda məqsədin Körfəz Əməkdaşlıq Şurası və onun üzvləri ilə strateji tərəfdaşlıq qurmaq olduğunu bildirilib.

Şuradan qeyd edilib ki, Aİ və onun Körfəz tərəfdaşları arasında genişləndirilmiş və dərin əməkdaşlıq qurumun mühüm prioritetidir, qlobal və regional problemlərin həllində ümumi maraqdır.

Vurğulanır ki, iki gün əvvəl, iyunun 19-da Avropa Birliyinin Xarici İşlər üzrə rəhbəri Cozef Borrell də Körfəz Əməkdaşlıq Şurası ilə geniş siyasət sahələrində strateji tərəfdaşlıq yol xəritəsini açıqlayıb. Bunlara iqlim dəyişikliyi, təmiz enerjiyə doğru irəliləyiş, enerji təhlükəsizliyi və humanitar ehtiyacların və qlobal inkişafın həlli, eləcə də təhlükəsizlik problemləri daxildir.

Avropa İttifaqının Xarici Əlaqələr Şurasının bəyanatında deyilir ki, qurum Fars körfəzi ilə strateji tərəfdaşlığın həyata keçirilməsini təmin etmək üçün bütün vasitələrindən istifadə edəcək.

Qeyd edək ki, Səudiyyə Ərəbistanı, Küveyt, Qətər, Oman, Bəhreyn və Birləşmiş Ərəb Əmirlikləri Körfəz Əməkdaşlıq Şurasının altı üzvüdür.