Avropa İttifaqı Budapeşt metrosunun saxlanması üçün mal və xidmətlərin idxalına icazə vermək üçün Rusiyaya qarşı son sanksiyalar paketində Macarıstanı istisna etmək niyyətindədir.
Qaynarinfo xəbər verir ki, bu barədə "Bloomberg” məlumat yayıb.
Nəşrin nəzərdən keçirdiyi sənədlərdə çərşənbə günü Aİ-yə üzv dövlətlərin dəstəklədiyi sanksiyalar bir neçə mövqedən geri çəkilməyi nəzərdə tutur. Xüsusilə, bu, qoruyucu şüşələrin, müəyyən növ maşınların və bəzi siyirtmələrin tranzitinə və müvafiq texniki yardımın göstərilməsinə şamil ediləcək.
Sənədlərdən birində qeyd olunur ki, Macarıstan paytaxtının üçüncü metro xəttinin istismarı üçün sanksiyalaşdırılmış ehtiyat hissələri lazımdır.
Budapeşt metrosunun vaqonlarına Rusiyanın "Metrovaqonmaş” ASC şirkəti xidmət göstərir. 2017-ci ildə firma üçüncü metro xəttinin köhnəlmiş vaqonlarını təmir edib, lakin 2023-cü ilin əvvəlində onların 1/4-nün keyfiyyət problemləri səbəbindən xidmətdən çıxdığı bildirilir.
"Metrovaqonmaş” bu ilin əvvəlində ABŞ-ın sanksiyalarına məruz qalıb.
Sanksiyadan azad edilən malların digər siyahısına telefonlar, siqnal cihazları - zənglər və göstərici panellər, həmçinin metro vaqonları və tramvaylar daxildir. Ümumilikdə, təxminən 14 tarif koduna düşən malların Rusiya vasitəsilə Macarıstana idxalına və ya ötürülməsinə icazə verilə bilər.
Macarıstan bir çox malların Rusiyadan keçməklə üçüncü ölkələrə tranzitinə qadağa qoyulmasını ehtiva edən 11-ci sanksiyalar paketini dəstəkləyən sonuncu Aİ üzv dövlətlərindən biri olub.
Sanksiyalar paketinin qüvvəyə minməsi üçün Avropa ölkələri tərəfindən rəsmən imzalanması lazımdır.
Qeyd edək ki, Avropa İttifaqının səfirləri iyunun 21-də Rusiyaya qarşı 11-ci sanksiyalar paketi ilə bağlı razılığa gəliblər.
Aydın
