Türkiyə baş nazirinin müavini Bülət Arınç prezident Abdullah Güllə görüşündən sonra açıqlama verib.
Qaynar.info-nun məlumatına görə, Arınç çıxışı zamanı Gezi Parkındakı aksiyalar zamanı polisin insanlara qarşı güc tətbiq etməsinə görə, üzr istəyib.
"O ilk olayda insanlara qarşı edilən güc tətbiqi haqsızlıqdır. O vətəndaşlarımdan üzr istəyirəm. Bunu rahat şəkildə söyləyə bilərəm, amma küçələrdə təxribat törədənlər, küçələrdə insanlaşrın azadlıqlarına maneə törədənlərə bir üzr borcumuz olduğunu düşünmürəm".
Arınç hər kəsin hökuməti olduğunu deyib: "Bu günə qədər seçki qutusundan çıxan nəticələri doğru oxumaq üçün nə qədər həssasiyyət içində olmuşuqsa, bu aksiyaları da doğru oxumaq üçün o qədər həssaslıq içindəyik".
Qaynar.info
