Qahirədəki Respublika Gözətçiləri qərargahı qarşısında Məhəmməd Mursiyə dəstək verənlərə atəş açılıb.
ANS PRESS-in “Habertürk”-ə istinadən verdiyi məlumata görə, gecə qarşıdurmanın olmadığı Qahirədə ordunun heç bir xəbərdarlıq etmədən səhər namazı zamanı Mursi tərəfdarlarına atəş etdiyi bildirilib.
Nəticədə 52 nəfər ölüb, 300 nəfər isə yaralanıb. Ölənlərdən 5-nin uşaq olduğu bildirilib.
Müsəlman Qardaşlar xalqı inqilaba qarşı olanlara fürsət verməməyə çağırıb.
Qeyd edək ki, Bölgədə jurnalistlərin fəaliyyətinə icazə verilmir. Qahirədə hərbi maşınlar Təhrir meydanına gedən yollardan biri olan 6 Oktyabr körpüsünü bağlayıblar. Yaralıların çoxunun xəstəxanaya aparılmadığı bildirilib.
Qaynar.info
