Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Alimlər insan saçından diş pastası hazırlayır: Onu xüsusi edən nədir?
Diş pastasının tərkibindəki flüorun (Mendeleyevin elementlərin dövri sistemində 9-cu element) diş minasını gücləndirə biləcəyi çoxdan sübut edilib. İndi tədqiqatçılar kariyesdən qoruya və zədələri erkən mərhələdə flüordan daha yaxşı bərpa edə bilən bir maddə kəşf ediblər.
Qaynarinfo "New York Post"a istinadən xəbər verir ki, bu, insan saçında mövcuddur.
London Kral Kollecinin alimləri apardıqları araşdırmada insan saçında olan keratinin dişləri qoruya biləcəyini və həssaslığın artmasına səbəb olan açıq sinir kanallarını bağlaya biləcəyini bildirib. Onlar bu zülalın xüsusiyyətlərini diş pastasında istifadə edəcəklər.
Tədqiqatın baş müəllifi Şerif Elşarkavi deyib: "Biz biotexnologiyanın təkcə simptomları müalicə etməyə deyil, həm də orqanizmin öz materiallarından istifadə edərək bioloji funksiyaları bərpa etməyə imkan verdiyi həyəcanverici bir dövrə qədəm qoyuruq".
Nəşr qeyd edib ki, keratin insanın saçında, dərisində, dırnaqlarında və qoyun yununda olan zülaldır. Təbii minanın strukturunu və funksiyasını təqlid edən sıx mineral örtük əmələ gətirir.
Təcrübə zamanı tədqiqatçılar qoyun yunundan keratin çıxarıblar. Onlar müəyyən ediblər ki, zülal dişin səthinə tətbiq edildikdə, tüpürcəkdə təbii olaraq mövcud olan minerallarla qarşılıqlı əlaqədə olur və minaya bənzər kristal quruluş yaradır.
London Kral Kollecinin tədqiqatçısı Sarah Qamea jurnalistlərə açıqlamasında bildirib: "Keratin mövcud diş müalicələrinə inqilabi alternativ təklif edir".
Alimlər insan saçından keratin olan diş pastalarının iki-üç ildən sonra rəflərdə ola biləcəyini proqnozlaşdırırlar.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər