2022-ci ildə Türkiyəyə ən çox Almaniya vətəndaşı səfər edib. Yanvar-dekabr aylarında Türkiyəyə 5,6 milyon alman səfər edib ki, bu da 2021-ci ilin eyni dövrü ilə müqayisədə 12,74% çoxdur, rusiyalılar ikinci yerdədir - 5,2 milyon (11,74%), Britaniya vətəndaşları üçüncü yerdədir - 3,3 milyon (7,56%) nəfər.
Qaynarinfo xəbər verir ki, bu barədə "Sözcü” Türkiyə Mədəniyyət və Turizm Nazirliyinə istinadən məlumat
yayıb.
2022-ci ilin yanvar-dekabr aylarında ölkəyə gələn xarici turistlərin ümumi sayı 44 milyon 564 min 395 nəfər olub.
Müharibənin təsiri ilə Türkiyəyə gələn ukraynalı turistlərin sayı bir ildə 2 milyondan 675 minə qədər azalıb. Rusiya son 6 ildə ilk dəfə liderliyi itirib.
"Hürriyet”in məlumatına görə, 2022-ci ildə Türkiyədə turizm gəlirləri əvvəlki illə müqayisədə 53,4% artaraq 46,3 milyard dollara çatıb.
Nizami Bağırov
