"Almaniya iqtisadiyyatı uzunmüddətli tənəzzül dövrünə daxil olacaq. Çünki ölkədə hasilatın azalması müşahidə olunur və heç bir sağalma əlaməti belə görünmür".
Qaynarinfo "Der Spiegel”ə istinadən xəbər verir ki, bunu Almaniya Ticarət və Sənaye Palatasının (DIHK) rəhbəri Peter Adrian
deyib.
"Almaniya və onun iqtisadiyyatı tənəzzül içindədir. Biz Avropada istehsalı yenidən koronavirusdan əvvəlki səviyyədən aşağı olan bir neçə ölkədən biriyik. Əhval-ruhiyyə bəzən çox pis olur, xüsusən də orta şirkətlər arasında”, deyə Adrian bildirib.
Onun sözlərinə görə, bazarda hər hansı bir yerə sərmayə qoymaq istəməmək ab-havası hökm sürür: "Bununla belə, başa düşmək lazımdır ki, koronavirus pandemiyası dövrü artıq başa çatıb, ona görə də istehsal həcmini artırmaq lazımdır".
O əlavə edib ki, hazırda Almaniya iqtisadiyyatı sürətlə mənfi əraziyə doğru gedir. Eyni zamanda, ilin sonunda iqtisadi artımın ən azı sıfır olacağı təqdirdə bunu xoşbəxtlik kimi qiymətləndirmək mümkün olacaq. Bundan əlavə, indiyədək bürokratik əngəllər alman şirkətləri üçün bir çox problemlər yaradır, buna görə də onlar müxtəlif bildirişlərə və sənədlərə çox vaxt sərf etməli olurlar. Eyni zamanda, qiymətli vaxt itirilir ki, bu da biznesdə yeni həllər və konsepsiyalar üzərində işləməyə sərf edilə bilər.
İyunun 17-də Alman Sənaye Federasiyasının (BDI) prezidenti Ziqfrid Russvurim Almaniyanın bu il durğunluqla üzləşəcəyini, ümumi daxili məhsulun (ÜDM) artımının sıfır səviyyəsində olacağını bildirib. Cari ilin yekunlarına görə, Almaniya bu göstəricidə dünya iqtisadiyyatından geri qalacaq.
Aydın
