"Lonestar Data Holdings" bu layihənin tikintisi üçün artıq 5 milyon dollar maliyyə vəsaiti alıb. Lonestar Ayda bir sıra məlumat mərkəzləri qurmaq və məlumatların saxlanması, emalı üçün əlverişli platforma yaratmaq istəyir. Bura gecikmənin azaldılması və ötürmə qabiliyyətinin yaxşılaşdırılması vasitəsi kimi mənbəyə yaxın məlumatların emalı praktikaları daxildir.
Qaynarinfo xəbər verir ki, bu barədə "Gizmodo” portal məlumat
yayıb.
2022-ci ilin aprelində "Lonestar"ın qurucusu Kris Stott "Məlumat bəşəriyyət tərəfindən yaradılmış ən böyük valyutadır" deyib:
"Biz demək olar ki, hər şeydə onlardan asılıyıq və onlar Yerin kövrək biosferində saxlanıla bilməyəcək bir növ kimi bizim üçün çox vacibdir. Yerin ən böyük peyki olan Ay gələcəyimizi təhlükəsiz saxlamaq üçün mükəmməl yerdir”.
Məlumat mərkəzləri rəqəmsal məlumatları saxlayan və ötürən əlaqəli serverlərdən ibarətdir. Yer üzündə artan məlumat mərkəzləri ətraf mühit üçün təhlükə yaradır, enerji istehlakına və rəqəmsal çirklənməyə kömək edir.
Ayda məlumat mərkəzlərinin yaradılması bu problemi aradan qaldırmaqla yanaşı, məlumatların saxlanması üçün daha təhlükəsiz üsul təqdim edə bilər.
İlkin olaraq, bu ilin sonunadək ilk mini-data mərkəzi tikiləcək. Onun çəkisi cəmi 1 kq olacaq və 16 terabayt məlumat saxlayacaq. Skottun sözlərinə görə, o, enerji və rabitə eniş modulundan alacaq, lakin sonrakılar (əgər birinci uğurlu olarsa) avtonom olacaq.
Şirkət onları 2026-cı ilə qədər Ay səthində yerləşdirməyə ümid edir.
Nizami Bağırov
