Avropada təbii qazın qiyməti ticarətin açılışında 8% artaraq min kubmetr üçün 960 dollar həddini keçib.
Qaynarinfo xəbər verir ki, bunu ICE Futures birjasının məlumatları sübut edir.
Bazar vəziyyəti ondan irəli gəlir ki, "Qazprom” bazar ertəsinə qədər Avropadakı yeraltı anbarlarına yanacaq vurulmasını başa çatdırmaq niyyətində idi. Buna baxmayaraq, Yamal-Avropa qaz kəmərinin Polşa-Almaniya hissəsində tədarük hələ də sıfır səviyyəsindədir.
Xatırladaq ki, Avropada qazın qiyməti bir neçə aydır ki, artmaqdadır. Oktyabrın əvvəlində onlar hər min kubmetr üçün 1900 dollardan çox olan bütün zamanların ən yüksək səviyyəsinə çatıblar. Sonra azalma başlayıb, lakin indiyə qədər yanacağın qiyməti yüksək səviyyədə qalır.
Ekspertlər qiymət artımını Avropa anbarlarının az olması, iqtisadi artımla bağlı tələbin artması və ABŞ-dan maye qazın tədarükünün məhdud olması ilə əlaqələndirirlər.
Alpər
