Avstraliyanın Paytaxt Ərazisinin rəhbəri Endryu Barr 13 ay ərzində ilk koronavirus infeksiyasına yoluxma halı aşkar edildikdən sonra bölgənin bir həftə karantinə bağlanacağını deyib.
Qaynarinfo bu haqda xarici mətbuata istinadla məlumat verir.
"COVID-19 diaqnozu təsdiqləndikdən sonra bölgədə karantin elan etmək qərarına gəldik. Digər şeylər arasında, çirkab su nümunələrində koronavirusun izləri müəyyən edilib. Bu, bu il və bəlkə də bütün bir pandemiyada qarşılaşdığımız ən ciddi ictimai sağlamlıq riskidir. Sərt təcrid rejimi avqustun 12-dən başlayacaq", - Barr deyib.
Dəqiq göstərilir ki, Kanberra sakinləri yalnız evdən işləmək mümkün olmadıqda dərsə, işə, həkimə getmək, təmiz havada idmanla məşğul olmaq və ya ən zəruri malların alınması üçün evlərini tərk edə biləcəklər.
Bundan başqa, pərakəndə satış mağazaları müvəqqəti olaraq fəaliyyətini dayandıracaq və iaşə yalnız çatdırılma formasında xidmət göstərəcək. Şagirdlər evdə təhsil alacaqlar.
Xatırladaq ki, Avstraliyanın paytaxt ərazisində son COVID-19 infeksiyası hadisəsi 10 iyul 2020-ci ildə qeydə alınıb.
Alpər
