Azərbaycan cüdoçusu Məmmədəli Mehdiyev Fransanın paytaxtı Parisdə keçirilən Böyük Dəbilqədə final görüşünə çıxıb.
"Report"un məlumatına görə, 90 kq çəki dərəcəsindəki həlledici qarşılaşmada rəqib yaponiyalı Sanşiro Murao olub.
Mehdiyev qarşılaşmadan məğlubiyyətlə ayrılaraq, gümüş medal qazanıb.
Qeyd edək ki, Azərbaycan yığmasının Paris turnirində ilk medalı olub. Daha bir medalın əyarına 100 kq-dan yuxarı çəki dərəcəsində Uşangi Kokaurinin monqolustanlı Tsetsentsengel Odxuu ilə final görüşündə aydınlıq gələcək.
