Rusiyanın bir sıra televiziya kanalları Azərbaycanın ilk milli peyki “Azerspace 1/Africasat 1A” üzərindən yayıma başlayıb.
“Qafqazinfo”nun məlumatına görə, “Azərkosmos” ASC-dən bildirilib ki, hazırda “Azərbaycan peyki vasitəsi ilə Gürcüstan və Ukrayna televiziya kanallarının yayımı da həyata keçirilir.
“Azerspace-1” telekommunikasiya peyki inkişaf etmiş dizayna və qoşulma imkanlarına malikdir. Peyk Mərkəzi Asiya, Avropa və Afrikanın 50-dən artıq ölkəsini əhatə edən kosmik məkanda əsas rol oynayır.
