Bu gün səhər Bakı vaxtı ilə saat 10-da Dağıstan Respublikasının Dərbənd rayonundakı yol polisi postunda terror aktı törədilib.
Qaynar.info xəbər verir ki, hadisə Dərbənd şəhərindən 15 kilometr aralıda baş verib. Partlayış nəticəsində 4 nəfər ölüb. Ölənlərdən ikisi polis əməkdaşı, ikisi isə mülki şəxsdir. Daha 5 nəfər xəsarət alıb.
Terror aktı partlayıcı maddələrlə dolu 53 yaşlı M.Qaziyevə məxsus “QAZel” avtomobilinin polis postunun yaxınlığında partladılması nəticəsində baş verib. Həmin avtomobildən həmçinin 28 yaşlı K.Qazıyev də istifadə edirmiş.
