"Sabah” futbolçusu Eltun Turabovu icarəyə verib.
Klubdan Qaynarinfo-ya verilən məlumata görə, 22 yaşlı müdafiəçi qarşıdakı mövsümdə Albaniya Super Liqasının debütantı "Biliş”də çıxış edəcək. İmzalama mərasimində "Biliş” klubunun prezidenti Besnik Kapplanaj da iştirak edib.
Eltun Turabovun transferi AFFA-nın da iştirakı ilə gerçəkləşib.
Qeyd edək ki, Eltun Turabov "Qarabağ"ın yetirməsidi. O, 2018-ci ilin yanvarında "Xəzər"ə (Bakı) transfer olunub. Həmin ilin yayında isə "Sabah"a keçib. 22 yaşlı müdafiəçi U-19 və U-21 millimizdə çıxış edib.
