Bakıda qadına məxsus “Toyota Land Cruiser Prado” markalı avtomobildən bahalı ətirlər və digər əşyaları oğurlayan şəxslər həbs edilib.
Qaynarinfo-nun məlumatına görə, 1978-ci ildə Bakı şəhərində anadan olmuş Elxan Rzayev və 1987-ci ildə Bakı şəhərində anadan olmuş İsrafil Hüseynovun Cinayət Məcəlləsinin 177.2.1-ci maddəsi ilə təqsirləndirilmələrinə dair cinayət işinə məhkəmədə baxılıb.
Məlum olub ki, sözügedən şəxslər zərərçəkmiş Günel İmaməliyevaya məxsus avtomobildən dirsəkliyə qoyulmuş 650 manat dəyərində 1 ədəd “Marc-Antonie Barrois” markalı ətiri, 150 manat dəyərində 1 ədəd “Tom Ford” markalı ətiri, 15 manat dəyərində 1 cüt bijuteriya sırğasını və 50 manat dəyərində 1 ədəd 02 GB həcmli yaddaş kartını gizli şəkildə talayıblar.
Oğurluq hadisəsi Bakı şəhəri, Yasamal rayonu, Abdulla Şaiq küçəsində törədilib.
Məhkəmənin hökmü ilə Elxan Rzayev 2 il 7 ay, İsrafil Hüseynov isə 2 il 9 ay müddətinə azadlıqdan məhrum etmə cəzasına məhkum ediliblər.
Hər iki şəxs cəzalarını ciddi rejimli cəzaçəkmə müəssisəsində çəkəcəklər.
Aydın
