ABŞ prezidenti Co Bayden bildirib ki, hazırda Fələstin-İsrail münaqişəsinin iki dövlət prinsipi əsasında həlli məsələsi gündəmdə deyil.
Qaynarinfo xəbər verir ki, CBS telekanalına
verdiyi müsahibədə, İsrailin HƏMAS-ın silsilə hücumlarından sonra Fələstinlə uzun müddətdir davam edən mübahisəni iki dövlət əsasında həll etməyə hazır olması barədə suala Bayden belə cavab verib:
"İndi yox. İndi yox. İndi yox, amma... Düşünürəm ki, İsrail Fələstin xalqının əhəmiyyətli bir hissəsinin HƏMAS və Hizbullahın fikirlərini bölüşmədiyini anlayır.
ABŞ prezidenti indiki mərhələdə Qəzza zolağında atəşkəs rejiminin tətbiqinin məqsədəuyğunluğundan da danışıb. Onun fikrincə, HƏMAS İsrailə edilən hücumlara görə məsuliyyət daşımalıdır. Bayden ağır nəticələri kontekstində bunu Holokostla müqayisə edib.
İsrail Holokost kimi ciddi nəticələri olan vəhşilikdə iştirak edən bir qrup insanı təqib edir, deyə Amerika prezidenti öz fikrini bölüşüb:
"HƏMAS bir qrup qorxaqdır. Onlar mülki şəxslərin arxasında gizlənirlər”, - ABŞ prezidenti vurğulayıb.
Bayden ən görkəmli ictimai çağırışlarından birində İsrailə Qəzzanı işğal etməmək barədə xəbərdarlıq edib.
CBS telekanalının "60 Minutes” telekanalına müsahibə verən Bayden deyib ki, İsrailin Qəzza zolağının işğalı "böyük səhv” olacaq. İsrail sahilyanı Fələstin anklavında humanitar böhran artsa da, Qəzza zolağına qurudan hücuma hazırlaşdığını bildirir. Bayden Birləşmiş Ştatlar ərzaq, su və qaz çatışmazlığını aradan qaldırmağa çalışarkən mülki şəxslərin müdafiəsinə çağırıb.
Bayden, HƏMAS-ın tamamilə məhv edilməli olduğuna inandığını söyləyib, "amma Fələstin Administrasiyası olmalıdır. Fələstin dövlətinə gedən yol olmalıdır”.
Alpər
