ABŞ prezidenti Co Baydenin avqustun, demək olar ki, üçdə ikisini məzuniyyətdə keçirdiyi məlum olduqdan sonra ona qarşı tənqidlər artıb.
Qaynarinfo bu barədə New York Post-a istinadən xəbər
verir.
New York Post-un dərc etdiyi statistikaya görə, Bayden prezident olduğu 589 gündən 234 gününü məzuniyyətdə keçirib.
Respublikaçıların Milli Komitəsinin katibi Rona MakDaniel deyib: "Seçicilər iş başında görünən respublikaçıları istəyirlər”.
O, Baydenin ikinci dəfə Ağ Evə gətirilməməsi lazım olduğunu vurğulayaraq, deyib: "Amerikanı bu vəziyyətdən çıxara, cənub sərhədlərini təmin edə və vergi ödəyicilərinin pullarının israfçılığına son qoya bilən bir prezident seçilməlidir".
M.Arif
