ABŞ prezidenti Co Bayden Ukraynaya dəstəyin zəifləməyəcəyini və Rusiya prezidenti Vladimir Putinin Rusiya işğalçı qoşunlarını Ukraynadan çıxararaq müharibəni diplomatik yolla dayandırmaqdan imtina etməsinin yanlış olduğunu vurğulayıb.
Qaynarinfo UNİAN-a istinadla xəbər verir ki, Bayden bunu Vilnüs Universitetində Ukraynaya dəstək haqqında çıxışı zamanı
deyib. ABŞ prezidenti deyib ki, Rusiya qüvvələrinin bəşəriyyətə qarşı cinayətlər də daxil olmaqla dəhşətli vəhşiliklər törətdiyi təxminən 18 aylıq müharibədən sonra Ukrayna xalqı yenilməz, Ukraynanın özü isə müstəqil və azad olaraq qalır.
"ABŞ Ukraynanın həm indi, həm də gələcəkdə özünü müdafiə etməsini təmin etmək üçün 50-dən çox ştatdan ibarət koalisiya yaradıb", - Bayden deyib.
O xatırladıb ki, Ukrayna prezidenti Volodimir Zelenski ilə artıq bir neçə dəfə, o cümlədən dünən, iyulun 12-də Vilnüsdə görüşüb. "Biz geri çəkilməyəcəyik. Yəni, Ukraynaya olan bağlılığımız zəifləməyəcək. Biz azadlığın tərəfində olacağıq və bu gün də, sabah da, nə qədər lazımdırsa, bu, davam edəcək. Biz istəyirik ki, bu müharibə ədalətli şərtlərlə bitsin. BMT Nizamnaməsinin əsas prinsiplərinə əməl edəcək şərtlərlə”, - deyə Bayden bildirib.
O xatırladıb ki, dövlətlər arasında dinc münasibətlərin iki əsas sütunu suverenlik və ərazi bütövlüyüdür və heç bir ölkənin güc tətbiq etməklə qonşu ölkənin ərazisini ələ keçirməsinə icazə verilməyəcək.
"Rusiya sabah öz qoşunlarını Ukraynadan çıxarmaqla, onun beynəlxalq sərhədlərini tanımaqla və rus ordusunun qadınlara və uşaqlara qarşı amansız hücumlarına son qoymaqla bu müharibəyə son qoya bilər. Təəssüf ki, Rusiya indiyədək diplomatik həll yoluna maraq göstərməyib", - Bayden deyib.
ABŞ prezidenti deyib ki, Vladimir Putin "hələ də səhvən Ukraynadan çox duruş gətirə biləcəyinə” və Qərbin birliyinin dağılacağına inanır. Bayden Putinin hesablamalarının səhv olduğunu vurğulayıb.
Alpər
