Dünya 17:59 09.09.2022

Bayden və Ərdoğan sentyabrda görüşə bilər - Mövzu: Rusiya, Ukrayna, Suriya

Amerika və Türkiyə tərəfləri prezidentlər Co Bayden və Rəcəb Tayyib Ərdoğanın görüşünü müzakirə edir, gündəmə Türkiyə ilə Rusiya arasında münasibətlər, ABŞ-ın silahları, Ukrayna və Suriyadakı münaqişələr daxildir.

Qaynarinfo xəbər verir ki, bu barədə "Avropa həqiqəti” "Reuters”ə istinadən məlumat yayıb.

Agentliyə bu haqda yüksək rütbəli türk məmuru danışıb.

Çərşənbə günü Qərbin Ukrayna ilə bağlı "təxribatçı" enerji siyasətini tənqid edən Ərdoğanın sentyabrın sonunda Vaşinqtona səfəri gözlənilir.

Bayden və Ərdoğan sonuncu dəfə iyunun sonlarında Madriddə keçirilən NATO sammitində görüşüblər və burada Türkiyə Rusiyanın onların üzvlüyünə qarşı çıxmasına baxmayaraq, Finlandiya və İsveçə üzvlüklə bağlı vetosunu ləğv edib.

Həmin sammitin sonunda Bayden ABŞ-ın Türkiyəyə F-16 döyüş təyyarələrinin satışını dəstəklədiyini və satış üçün lazım olan Konqresin razılığının alınacağına əmin olduğunu bildirib.

"Baydenlə son görüşdən sonra ABŞ administrasiyası F-16 kimi bəzi mühüm mövzularda tələb etdiyimiz kimi hərəkətə keçdi. Düşünürəm ki, belə şeylər olacaq", - Türkiyənin yüksək rütbəli rəsmisi deyib.

ABŞ Konqresində Türkiyəyə münasibət son bir neçə ildə Ankaranın Rusiya istehsalı olan raket sistemləri almasından sonra pisləşib, bu isə ABŞ-ın sanksiyalarına səbəb olub, eləcə də Türkiyə F-35 qırıcı proqramından kənarlaşdırılıb.

Türkiyə rəsmisi bildirib ki, iki lider arasında gündəm Ukraynadakı müharibə, Türkiyə və Rusiya münasibətləri və Ukraynadan taxıl ixracı ilə bağlı razılaşma olacaq.

İki ölkənin Suriyanın şimal-şərqində İŞİD ilə mübarizədə ABŞ-ın müttəfiqi olan və Ankaranın terror qruplaşması hesab etdiyi Suriya kürdlərini Vaşinqtonun dəstəkləməkdə fərqli maraqları var.

"İndi Suriyada yeni səhifə açıla bilər və ABŞ bu kontekstdə hərəkətə keçməlidir. Suriya kürdlərinin təhlükəsini də yaxşı hesablamaq lazımdır. Bəzi ABŞ rəsmiləri bundan xəbərdardırlar", - deyə rəsmi bildirib.

Rəsmi bildirib ki, Şərqi Aralıq dənizində xroniki olaraq gərgin münasibətlərə səbəb olan Türkiyə və Yunanıstan münasibətlərinin də müzakirə mövzusu olacağı gözlənilir.

Alpər