ABŞ prezidenti Co Bayden dünyanı yaşıl enerjiyə keçməyə çağırıb. Bu məqsədlə G7 ölkələri yeni qlobal təşəbbüslə çıxış edirlər.
Xüsusilə, G7 sammitindən sonra Bayden inkişaf etməkdə olan və orta gəlir səviyyəsinə malik ölkələrdə layihələrin dəstəklənməsi üçün 200 milyard dollar ayrıldığını açıqlayıb. Onun sözlərinə görə, bu təşəbbüs dünyanı ümumi dəyərlərə əsaslanan davamlı layihələrə sərmayə qoymağa yönəltməyə kömək edəcək.
"Biz bütün dünya ölkələrinə və ya insanlara onların həyatını, bütün həyatımızı yaxşılaşdıran və bütün insanlarımıza real faydalar gətirən kritik infrastruktura sərmayə qoymaq üçün ən yaxşı variantları təklif edirik", - o deyib.
O vurğulayıb ki, G7 ölkələri bu məqsədlər üçün 2027-ci ilə qədər kollektiv şəkildə 600 milyard dollar səfərbər edəcək.
"Qlobal infrastruktur və investisiya üçün tərəfdaşlıq” təşəbbüsü Baydenin keçən ilki G7 sammitində təqdim etdiyi "Daha yaxşı bir dünyanı bərpa et” təşəbbüsünün rebrendinqidir.
O, aşağıdakıları maliyyələşdirəcək:
• iqlim dəyişikliyinə diqqət yetirmək və təmiz enerjiyə sərmayə qoyulması;
• təhlükəsiz və açıq İnternet və informasiya sistemlərinin qurulması;
• gender bərabərliyinin təşviqi;
• səhiyyə infrastrukturunun modernləşdirilməsi.
Bir müddət əvvəl Böyük Britaniyanın baş naziri Boris Conson bildirmişdi ki, Rusiyadan olan "karbohidrogenlər bayramı” başa çatıb və G7 buna uyğunlaşmalı və yaşıl enerjidə həll yolları tapmaq üçün birgə işləməlidir.
Nizami Bağırov
