Ümumi seçkilərdən sonra Bişkekin mərkəzində minlərlə
etirazçı toplanıb.
Qaynarinfo xəbər verir ki, insanlar dünən keçirilən
parlament səsvermənin nəticələrinə etiraz olaraq ayağa qalxıb. "Kaktus Media” xəbər
verir ki, MSK-nın ilkin hesablamalarına görə, 16 partiyadan cəmi üçü baryeri aşa
bilib.
Znak.com yazır ki, aparıcı müxalif Sosial Demokrat
Partiyasının tərəfdarları prezident iqamətgahının yaxınlığındakı Ala-Too
Meydanına toplaşaraq təkrar seçki keçirilməsini tələb etdilər. Etirazçılar dövlət
başçısının sarayının yanında çadır şəhərciyi qurmaqla da hədələyiblər.
Xəbər verildiyi kimi, Qırğızıstanda parlament seçkisinə
1912 namizəd qeydə alınıb. Mübarizə 120 mandat uğrunda aparıldı. Qırğızlar
yaxın tarixdə iki dəfə liderlərini devirib. 2005-ci ildə Prezident Askar Akayev
"Lalə İnqilabı” nəticəsində ölkədən qaçıb; beş il sonra xalq Kurmanbek
Bakiyevin hakimiyyətini devirib, o isə Belarusa sığınıb.
Alpər
<iframe width="560" height="315" src="https://www.youtube.com/embed/1dtdtZtybHs" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen="">
