Böyük Britaniyanın enerji və karbon neytrallığı naziri Qrant Şapps sabiq nazir Ben Uollesin yerinə müdafiə naziri təyin edilib.
Qaynarinfo xəbər verir ki, bu barədə "Sky News” telekanalı bildirib.
Bu gün Baş nazir Rişi Sunak Ben Uollesin istefasını təsdiq edib.
11.55
Böyük Britaniyanın baş naziri Rişi Sunak avqustun 31-də müdafiə naziri Ben Uollesin istefasını qəbul edib.
Qaynarinfo xəbər verir ki, bu barədə Britaniya hökumətinin saytında məlumat verilib.
Sunak Uolasa ünvanladığı məktubda nazirin Britaniyaya şərəflə xidmət etdiyini, onun dünyagörüşü və aydınlığının krallıq və qitənin təhlükəsizliyi üçün əvəzolunmaz olduğunu yazıb.
"Siz başqalarından əvvəl Vladimir Putinin Ukraynada əsl niyyətlərinin nə olduğunu gördünüz. Rusların hücumundan əvvəl Kiyevi silahlandırmaq əzminiz ukraynalıların işğalın qarşısını almaq qabiliyyətinə əhəmiyyətli dərəcədə təsir etdi. Bu ölkənin Rusiyanın Ukraynaya təcavüzünə necə reaksiya verməsi ilə fəxr edirəm”, deyə Sunak bildirib.
Baş nazirin sözlərinə görə, Uolles sübut etdi ki, Ukrayna münaqişəsi dəyərlərə, Avropanın təhlükəsizliyinə və "sabitlik və firavanlığın dörddə üçü ondan asılı olan” açıq beynəlxalq nizama hücumdur:
"Siz ölkəmizə hökumətdə üç mühüm vəzifədə xidmət etmisiniz: müdafiə naziri, təhlükəsizlik naziri və Şimali İrlandiya üzrə nazir. Bu vəzifələrin hər birində yorulmaz xidmət göstərmisiniz”.
11.37
Böyük Britaniyanın müdafiə naziri Ben Uolles istefa verib.
Poliqon xəbər verir ki, nazir istefa ərizəsini baş nazir Rişi Sunaka təqdim edib. Bu barədə ölkə hökumətinin mətbuat xidməti məlumat yayıb.
İstefa ərizəsində o, Solsberi insidentləri, 2017-ci ildə London hücumları və Əfqanıstan, Sudan və Ukraynadakı vəziyyətlər də daxil olmaqla, "hökumətin bir sıra təhdidlərə reaksiyasına töhfə verməkdən şərəf duyduğunu bildirib. Onun sözlərinə görə, nazirliyə rəhbərlik etdiyi son 4 ildə krallığın Silahlı Qüvvələri "ən yaxşı tərəflərini göstərib”.
Uolles Sunaka təşəkkür edib və ölkənin müdafiəsinə verdiyi töhfəni qeyd edib. Nazir müdafiə idarəsinə rəhbərlik etdiyi illərdə altıncı nəsil GCAP qırıcısı olan AUKUS alyansının, Milli Kiberqüvvələrin qərargahının yaradılması işlərində iştirak etməsindən qürur duyduğunu bildirib.
Aydın
