Suriya müxalifəti avqustun 20-də hökumət qoşunlarının kimyəvi silah tətbiq etməsi nəticəsində ən azı 635 nəfərin ölümünə görə prezident Bəşər Əsədi günahlandırıb.
APA-nın məlumatına görə, müxalifət hücum nəticəsində 100-dən artıq insanın xəsarət aldığını bildirir.
“Reuters” agentliyi bir qədər əvvəl kimyəvi silah tətbiqi nəticəsində ən azı 213 nəfərin öldüyü barədə xəbər yayıb. Agentlik bu xəbəri Duma şəhər tibb mərkəzində çalışan Bayyan Baker adlı tibb bacısına istinadən yayıb.
Suriya hökuməti isə silahlılara qarşı kimyəvi silah tətbiq edilməsi barədə ittihamları rədd edib. Hökumətin sözçüsü bu iddiaların məqsədyönlü şəkildə ortaya atıldığını bildirib.
Qaynar.info
