Pakistan hökuməti Əl Qaidə terror təşkilatının keçmiş lideri Usamə bin Ladenin öldürüldüyü Abbodabad şəhərində nəhəng park salmaq niyyətindədir.
Qaynar.info-nun məlumatına görə, Pakistanda nəşr olunan Dawn qəzeti hökumət şəhərin terrorla xatırlanmasını unutdurmaq və turist axınını bərpa etmək üçün şəhərdə 30 milyon dollar dəyərində əyləncə parkı inşa edəcəyini bildirib.
Nəhəng parka zoopark, macəra klubu, yamac paraşütü, restoran və şəlalələr daxildir.
Artıq parkın tikintisinə başlanılıb. İlk iş isə Əl Qaidə liderinin öldürüldüyü evin sökülməsi olub.
Qaynar.info
