ABŞ Dövlət Departamentinin rəhbəri Entoni Blinken Rusiya Federasiyası ilə müharibənin sonuna qədər dialoq aparmaqdan imtina edir. Bəzi amerikalı keçmiş diplomatlar bu mövqe ilə razılaşmırlar.
Bu barədə Qaynarinfo "Washington Post”a istinadən xəbər
verir.
Qeyd olunur ki, ABŞ-ın hazırkı rəsmiləri, o cümlədən Blinken işğalçı ölkə ilə dialoqdan imtina edir, çünki Fransa, Türkiyə və İsrail artıq danışıqlar aparmağa cəhd etsə də, bu cəhdlər baş tutmayıb. Həmçinin, Dövlət Departamenti rəhbərinin sözlərinə görə, "Rusiya mənalı diplomatiyaya” hazır deyil.
"Son aylarda bir sıra digər ölkələr Rusiya ilə əlaqə saxlayıb və onların hamısı eyni şeyi bildiribər: Rusiyanın diplomatiyaya hazır olduğuna dair əlamət yoxdur”, deyə Blinken bildirib.
WP ABŞ diplomatiyasının veteranlarının hamısının bu fikri dəstəkləmədiyini vurğulayır və Rusiya rəsmiləri ilə müttəfiqlərin nümayəndələri arasında görüşlərin belə müqayisəsini yersiz adlandırır.
"ABŞ iştirak etmirsə, bu, Rusiyanın nəzərində ciddi söhbət deyil. Və təəccüblü deyil, çünki ABŞ Ukraynaya yardımın böyük hissəsini verir, onlar Qərb koalisiyasının lideri rolunu oynayırlar", deyə Barak Obama administrasiyasının keçmiş üzvü Ceremi Şapiro bildirib.
Eyni zamanda, Şapiro qeyd edib ki, "dost və düşmənlərlə danışıqlar dövlət katibinin əsas vəzifəsidir”.
Onun fikrincə, hətta işğalçı ölkənin siyasətinə az təsir göstərən Rusiyanın xarici işlər naziri Sergey Lavrovla danışıqlar da faydalı ola bilər.
"Düzdür, Lavrov qərar qəbul etmir. Amma o, Kremlin mövqeyini əks etdirən bir kanaldır. Heç kim Lavrovla razılığa gəlmək üçün görüşmür. Amma rusların nə düşündüyünü başa düşmək və ya Putinə mesaj göndərmək lazımdırsa, deməli o, həmin adamdır", Şapiro vurğulayıb.
Eyni zamanda, Dövlət Departamentinin keçmiş yüksək vəzifəli rəsmisi Tom Şennon hazırkı böhran şəraitində işğalçı ölkə ilə danışıqları prioritet adlandırıb.
"Birinci addım düşmənin nə istədiyini başa düşə biləcəyiniz rabitə kanallarını açmaqdır", deyə Şennon bildirib.
Qeyd edək ki, Blinkenin Ukraynaya təcavüz başlayandan bəri Rusiyanın yüksək rütbəli rəsmiləri ilə bir dəfə də olsun təmasda olmayıb. Eyni zamanda, o, G20 sammiti zamanı Rusiya xarici işlər naziri onunla eyni otaqda olarkən Lavrovla dialoqdan imtina edib.
Nizami Bağırov
