ABŞ "Rusiya və Çindən gələn təhdidləri” izləməyi planlaşdırır.
Qaynarinfo xəbər verir ki, bu barədə
Bloomberg ABŞ Kosmik Qüvvələrinə istinadən məlumat yayıb. Xəbərə görə, yaxın aylarda düşmən peyklərini axtarıb izləyəcək Silent Barker casus peyklərindən ibarət qrupun orbitə buraxılması qərara alınıb.
Silent Barker peyk şəbəkəsi Yerdən təxminən 35,4 min km yüksəklikdə yerləşəcək. O, kosmosda Rusiya və Çindən gələn təhdidləri vaxtında aşkar etmək üçün kosmosda obyektlər axtaracaq, - media bildirir.
ABŞ Kosmik Qüvvələri peyklərin yaradılması üçün ABŞ Milli Kosmik Kəşfiyyat Agentliyi ilə əməkdaşlıq edib. Peykləri olan Atlas V daşıyıcısının iyuldan sonra buraxılması planlaşdırılır, dəqiq tarix hələ açıqlanmır.
Bundan əvvəl ABŞ Çinin ABŞ-ın peyklərini və müttəfiqlərini vura biləcək silahlara malik olduğunu və "əks-kosmik əməliyyatlar” keçirmək niyyətində olduğunu bəyan edib. Vaşinqton həmçinin "Rusiya və Çindən artan təhdidlərə və onlara qarşı mübarizənin zəruriliyinə” işarə edib. "The Wall Street Journal” yazır ki, ABŞ hakimiyyəti hərbi kosmik qüvvələri "Rusiya və Çinlə gələcək kosmosda münaqişəyə” hazırlayır.
Alpər
