BMT Liviyada müvəqqəti atəşkəs elan edilməsi barədə müraciət ünvanlayıb.
Qaynarinfo xəbər verir ki, yazılı müraciətdə mülki vətəndaşların təxliyyəsi üçün tərəflər müvəqqəti atəşkəsə dəvət edilir.
4 apreldən bəri davam edən qarşıdurma 2800-dən çox mülki vətəndaşın yaşadığı ərazini tərk etməsi ilə nəticələnib. Paytaxt Tripoli ətrafında dinc əhaliyə tibbi xidmət göstərilməsi və enerji verilişi mümkün deyil.
Qeyd edək ki, 4 apreldə General Xəlifə Həftərin ordusu paytaxt Tripolini ələ keçirmək üçün hücuma başlayıb. Xəlifə Həftər qüvvələri tərəfindən ələ keçirilən Tripoli Hava Limanı bu gün Milli Razılıq Hökuməti tərəfindən geri alınıb.
Gülşən
