Ötən həftə Ukraynada quru döyüşləri ya statik cəbhə xətləri, ya da Rusiya qoşunlarının əsas ərazilərdə çox tədricən lokal irəliləyişləri ilə xarakterizə olunmağa davam edib.
Qaynarinfo
xəbər verir ki, bu barədə Britaniya Müdafiə Nazirliyinin yanvarın 5-də Rusiya-Ukrayna müharibəsi ilə bağlı kəşfiyyat icmalında deyilir.
Kupyansk yaxınlığında Rusiya qoşunlarının Qərb qrupu genişmiqyaslı, lakin səmərəsiz hücum əməliyyatını davam etdirir.
Donetsk vilayətinin şimalında Ukrayna Rusiyanın Baxmut ətrafında kiçik miqyaslı hücumlarına baxmayaraq, sabit cəbhə xəttini qoruyur.
Donetsk vilayətinin mərkəzi hissəsində Avdeyevka uğrunda şiddətli döyüşlər hələ də gedir, rus qoşunları isə 2023-cü ilin dekabr ayının sonunda Marinka bölgəsində qazanılan nailiyyətləri möhkəmləndirərək, doqquz illik döyüşlərdən sonra nəhayət, bu sahədə onlara şəhərin qərb kənarına doğru irəliləməyə imkan verib.
Ukraynanın cənubunda Rusiya hava-desant qoşunları Dnepr çayının şərq sahilində Krınki kəndi yaxınlığındakı Ukrayna körpüsünə yeni hücum cəhdində minimal irəliləyiş əldə ediblər.
Ən son rəylərdən birində Britaniya kəşfiyyatı Ukraynadakı rus personal itkilərinin hazırkı sürəti ilə 2025-ci ilə qədər ümumi rəqəmin 500 min həddi keçəcəyini proqnozlaşdırıb.
Alpər
